कापूस पिकाचे उत्पादन घेत असताना त्यांना पिकावर येणारी बोंडआळी, रसशोषक किडीचा प्रादुर्भाव बर्‍याच प्रमाणात होत असे. त्याचा परिणाम त्यांच्या कापूस उत्पादनावर होत असे. 1 एकरामधून त्यांना सरासरी 5.5 क्विंटल उत्पादन मिळत असे. बाजारभावानुसार त्यांना 1 एकर कापूस पिकामधून खर्च वजा करता 8,000 ते 9,000 रु नफा शिल्लक रहात होता. किडीच्या प्रादुर्भावामुळे कापूस बोंडाचा दर्जा खालावत असे. त्यामुळे त्यांना बाजारभाव कमी मिळत असे.

बाळासाहेब गर्कळ यांनी मागील खरिप हंगामामध्ये कापूस उत्पादन घेत असताना बायोफिट उत्पादनांचा वापर केला. कापूस वाढीच्या मुख्य अवस्थेमध्ये त्यांनी बायोफिट स्टिमरिच, बायो-99 च्या चार वेळा फवारण्या घेतल्या. त्यामुळे मागील वर्षाच्या तुलनेमध्ये त्यांना पिकाची वाढ सुयोग्य झालेली दिसली. तसेच जास्तीत जास्त फुलकळ्यांचे बोंडांमध्ये रुपांतर झाले. रसशोषक किडीचा प्रादुर्भाव होऊ नये यासाठी त्यांनी बायोफिट इन्टॅक्ट, बायो-99 च्या 3 वेळा फवारण्या घेतल्या.

बायोफिट उत्पादनांच्या वापरामुळे गेल्या वर्षी इतर शेतकर्‍यांच्या तुलनेत त्यांच्या कापूस पिकावर किडीचा प्रादुर्भाव कमी झाला व त्यांना बोंडांची गुणवत्ता टिकण्यास मदत झाली. कालांतराने उत्पादनामध्ये सुध्दा वाढ दिसून आली. 1 एकर क्षेत्रामधून त्यांना 8.5 क्विंटल कापूस उत्पादन मिळाले. मागील वर्षी त्यांना जवळपास 6500/- प्रति क्विंटल बाजारभाव मिळाला.