धनाजी ढवळे हे पारंपारिक व्यवसाय म्हणून शेती करत आहेत. शेती सोबत जोडव्यवसाय म्हणून पशुपालन आणि ट्रॅक्टर त्यांच्याकडे आहे.दरवर्षी त्यांच्याकडे 4 ते 5 एकर ऊस पिकाची शेती केली जाते. ऊसाचे को.86032 ही जात ते प्रामुख्याने घेत आहेत. ऊसाची लागण ते आडसाली (सप्टेंबर-ऑक्टोबर) हंगामामध्ये करतात. ऊस उत्पादन घेत असताना त्यांना हुमणी या किडीचा प्रादुर्भाव जास्त प्रमाणात दिसत असे. त्यामुळे ऊस 12 ते 14 महिन्याचा झाल्यानंतर त्यांना हुमणीच्या प्रादुर्भावामुळे ऊस वजनामध्ये घट होत होती. तसेच अतिवृष्टी झाल्यानंतर ऊसाच्या पांढर्‍या मुळांची वाढ थांबत होती. परिणामी ऊस वाढीला फटका बसत असे.