माधव गणेशराव लोमटे शेतीमध्ये वेगवेगळी नगदी पिके घेतात. श्री. लोमटे हे प्रत्येक वर्षी खरबूज पीक रब्बी हंगामामध्ये घेतात. साधारण ऑक्टोबर महिन्याच्या सुरुवातीला खरबूज पिकांची रोप लागण ते मल्चिंग पेपर वर करतात. पाण्याचे योग्य नियोजन, तण व्यवस्थापन, मालाची गुणवत्ता वाढवण्यासाठी त्यांना मल्चिंग आच्छादनाचा खूप फायदा होतो. पिकांवर पानांवरील ठिपके, भुरी, डाऊनी, करपा सारखे रोग आणि मावा, तुडतुडे, बिटल सारख्या किडीचा प्रादुर्भाव होत असे. रासायनिक खते, रोग व कीड व्यवस्थापन यावर त्यांचा बराच वेळ आणि पैसा खर्च होत असे.
चालू वर्षी खरबूज पीक घेत असताना लोमटे यांनी सुरुवातीपासून बायोफिट उत्पादनांचा वापर केला. खरबूज-कुंदन आणि मृदुला अश्या दोन वाणांची निवड त्यांनी केली होती.