नितीन विष्णू मोकाशी हे पदवीधर शेतकरी असून ते गेल्या 3-4 वर्षांपासून कलिंगडाचे पीक घेत आहेत. यासाठी अनुकूल निचर्याची शेतीजमीन त्यांच्याकडे आहे. ते नोव्हेंबर महिन्यामध्ये कलिंगड बियाण्याची टोकण पध्दतीने प्लास्टिक मल्चिंग पेपरवर लागवड करतात. कलिंगडाचे पीक घेत असताना त्यावर येणारे करपा, रोप मर आणि भुरी सारखे रोग व मावा, फुलकिडे, तुडतुडे इत्यादी किडीच्या नियंत्रणासाठी त्यांना वेगवेगळ्या रासायनिक औषधांचा वापर करावा लागत असे. त्यामुळे त्यांचा उत्पादन खर्च वाढत होता.
मोकाशी यांनी चालु रब्बी हंगामामध्ये 5 एकर क्षेत्रावर कलिंगड (वाण-गोल्डन 786) पिकाची लागवड केली. कलिंगड टोकणीनंतर 12-15 दिवसांनी त्यांनी बायोफिट स्टिमरिच व बायो-99 ची पहिली फवारणी घेतली. त्यानंतर त्यांची 20 दिवसांच्या अंतराने त्यांनी पुन्हा 3 वेळा फवारणी घेतली. त्यामुळे पिकाची सुयोग्य वाढ झाली, फुलकळीची संख्या चांगली मिळाली. कलिंगड फळांचा आकार वाढला. तसेच नोव्हेंबर व डिसेंबरच्या शेवटच्या आठवड्यामध्ये त्यांनी बायोफिट एन.पी.के. व शेत 1 लि. प्रत्येकी 200 लि. पाण्यासोबत 1 एकर क्षेत्रासाठी ठिबक सिंचनाद्वारे वापरले. त्यामुळे खते व जमिनीमध्ये अन्नद्रव्यांची उपलब्धता वाढली आणि उत्पादनामध्ये वाढ झाली.