श्री. राजकुमार वाघ हे एक होतकरू आणि प्रयोगशील शेतकरी आहेत. शेती सोबत जोडधंदा म्हणून त्यांनी 5 वर्षांपूर्वी कुक्कुटपालन व्यवसाय सुरु केला आहे.
कुक्कुटपालनासाठी त्यांनी जवळपास 10 हजार कोंबड्यांकरिता अत्याधुनिक शेड उभी केली आहे. त्यांच्याकडे ब्रॉयलर जातीच्या कोंबड्या आहेत. श्री. वाघ वर्षातून 5 ते 6 बॅचेस घेतात.
कुक्कुटपालनात श्री. वाघ यांना नेहमी सतर्क रहावे लागते. वातावरणामधील अचानक झालेले बदल, त्याचा पक्ष्यांवरती होणारा परिणाम, बाजारभाव, पक्ष्यांचे लसीकरण आणि त्यांना वेळोवेळी देण्यात येणारा पोषक आहार इत्यादींसाठी त्यांना खूप मेहनत घ्यावी लागते.