विजय भैरवनाथ धनावडे हे त्यांच्या गावामधील पदवीधर शेतकरी असून शेतीमध्ये नगदी पिकांवर जास्त भर देत असतात. शेतीमधील उत्पादक क्षमता वाढवण्यासाठी गेल्या 2-3 वर्षांपासून त्यांनी स्ट्रॉबेरी पिकाचे उत्पादन घेण्यास सुरुवात केली. स्ट्रॉबेरी उत्पादन घेत असताना त्यांचा रासायनिक खतांवर खूप खर्च होत असे. तसेच रसायनांच्या अती वापरामुळे पीक कमकुवत बनत असे. फळांची टिकवण क्षमता कमी झाल्यामुळे त्यांना अपेक्षित बाजारभाव मिळत नसे. चालू हंगामामध्ये श्री. धनावडे यांनी स्ट्रॉबेरीचे दोन वाण (फळ लवकर देणारी व उशिरा देणारी) अश्या विंटर व आर-1 जातीच्या रोपांची लागण मचिंग पेपर वर केली. सुरुवाती पासून त्यांनी पिकाची मशागत करत असताना बायोफिट उत्पादनांचा वापर केला.