चालू खरिप हंगामामध्ये डॉ. पोटे यांनी 2 एकर क्षेत्रावर सोयाबीन (वाण ग्रीनगोल्ड 3344) बियाणे टोकण पध्दतीने पेरणी केली. सोयाबीन उगणवणीनंतर त्यांनी बायोफिट स्टीमरिच व बायो-99 च्या 4 वेळा पीक वाढीच्या मुख्य अवस्थांमध्ये फवारण्या घेतल्या. त्यामुळे सोयाबीन पिकाची वाढ सुयोग्य झाली, फुटव्याचे प्रमाण वाढले, फुलकळीची संख्या वाढली, फुलगळ कमी झाली, सोयाबीन शेंग चांगली भरली.

तसेच सोयाबीन पिकावर तांबेरा व इतर जीवाणूजन्य रोग येऊ नयेत यासाठी प्रतिबंधात्मक उपाय म्हणून बायोफिट रॅपअपच्या 15 दिवसांच्या अतंराने फवारण्या घेतल्या. त्यामुळे इतर शेतकर्‍याच्या तुलनेमध्ये त्यांच्या सोयाबीन पिकावर रोगाचा प्रादुर्भाव कमी झाला.

चालू खरीप हंगामामध्ये डॉ. पोटे यांना सोयाबीन पिकामध्ये कमालीचा बदल पाहायला मिळाला. चालू वर्षी त्यांना 14 क्विंटल प्रति एकर सोयाबीन उतारा मिळाला. सोयाबीन चांगला पोसावल्यामुळे त्यांना मालाची प्रतवारी चांगली मिळाली. तसेच बाजारामध्ये सोयाबीनची आवक कमी असल्यामुळे त्यांना बाजारभाव सुध्दा चांगला मिळाला.